សម្លរម្ជូរត្រពាំងជូរសាច់មាន់
+ គ្រឿងផ្សំ- សាច់មាន់ ៥០០ ក្រាម (សាច់ជាប់ឆ្អឹង) កាត់ជាដុំៗ ស្ងោរឲ្យឆ្អិនទុកទឹកស្ងោរ (១ចានគោម)
- ត្រពាំងជូរ ៤០០ ក្រាម ចិតជាបន្ទះៗ មុនយកទៅស្លរត្រូវលាង ៤-៥ ដង
- ខ្ទឹមស ៣កំពឹស
- រំដេង ៣ចំណិត
- គល់ស្លឹកគ្រៃ ២គល់ដំឲ្យបែក
- អំបិល កន្លះស្លាបព្រាកាហ្វេ
- ស្ករស ១ស្លាបព្រាបាយ
- ទឹកត្រី ២ស្លាបព្រាបាយ
- ម្សៅស៊ុប ១ស្លាបព្រាកាហ្វេ
- ទឹកអំពិល ២ស្លាបព្រាបាយ
- ស្លឹកម្រះព្រៅ ១ក្តាប់
- ម្ទេស ១ផ្លែ ឬតាបំណូលចិត្ត ចិតបញ្ឆិតតូចៗដាក់ពេលញ៉ាំ
+ វិធីធ្វើ
១. ជាដំបូងត្រូវដាក់ឆ្នាំងដាំទឹកសម្លរឲ្យពុះជាមុនសិន បន្ទាប់មកចាក់ទឹកស្ងោរមាន់ចូលគ្របគំរបទុកឲ្យពុះម្តងទៀត។
២. នៅពេលដែលទឹកពុះត្រូវបន្ថែមទឹកត្រី, ទឹកអំពិល, គល់ស្លឹកគ្រៃ, រំដេង, ខ្ទឹមស, ម្សៅស៊ុប, ស្ករស និងសាច់មាន់គ្របគំរបទុកប្រហែល ៥ នាទី ឬទឹកពុះយូរបន្តិចបន្ថែមត្រពាំងចូលគ្របទុករហូតទាល់តែពុះទៀត។
៣. ពេលដែលទឹកសម្លរពុះអ្នកគ្រាន់តែបន្ថែមស្លឹកម្រះព្រៅទៅក្នុងសម្លរជាការស្រេច ម្ទេសដាក់ពីលើសម្លរនៅពេលដែលអ្នកដួសដាក់ចាន៕
No comments:
Post a Comment