សង់ខ្យាទុរេន
+ គ្រឿងផ្សំ
- អង្ករដំណើប ៥០០ ក្រាម
- ខ្ទិះដូង ១ គីឡូ
- ស្កសរ ៤០០ ក្រាម
- ធូរេន ៤ – ៥ ក្លែប
- ស្លឹកតយ ៥ – ៦ សន្លឹក
- ម្សៅឆា ៣ ស្លាបព្រាបាយ
- អំបិល ១ ស្លាបព្រាកាហ្វេ
១.ជាការចាប់ផ្តើមអ្នកត្រូវលាងអង្ករដំណើបជាមុនសិន បន្ទាប់មកអ្នកយកសំភារៈចំហុយបាយយកមករៀបស្លឹកតយ(៤សន្លឹក) ដើម្បីក្រាលពីក្រោមអង្ករដំណើប។
២.ពេលដែលរៀបស្លឹកតយរួចរាល់ហើយអ្នកក៍យកអង្ករដំណើបដែលអ្នកបានលាងទុកនោះយកមកចាក់ពីលើរួចវាចឲ្យស្មើទើបរៀបចំដាក់ចំហុយ។
៣.អ្នកយកចានគោមតូចល្មមមួយយកមកដាក់ម្សៅឆារួចចាក់ខ្ទិះដូងចូលល្មមលិចម្សៅឆាហើយកូរឲ្យរលាយចូលគ្នា។
៤.អ្នកចាប់ផ្តើមរំងាស់ខ្ទិះដូង ដោយចាក់ខ្ទិះដូងនោះចូលទៅក្នុងឆ្នាំង បន្ទាប់មកក៍ដាក់អំបិល ១ ស្លាបព្រាកាហ្វេ, ស្កសរ ៤០០ ក្រាម រួចកូរវាសិនទើបបន្ថែមធូរេន ៥ ក្លែប និងស្លឹកតយ ២ សន្លឹក រួចហើយក៍បន្តរំងាស់ទៀតរហូតទាល់តែពុះក៍បន្ថែមម្សៅឆានិងខ្ទិះដូងដែលបានកូរឲ្យរលាយនោះចូលទៅក្នុងឆ្នាំងផងដែរ។
៥.ជាចុងក្រោយអ្នកត្រូវយកបាយដំណើបដែលអ្នកចំហុយឆ្អិនយកមកដួសដាក់ចានរូចចាក់ខ្ទិះដូងចូល(ខ្ទិះដើម) ហើយច្រចល់ចូលគ្នាបន្ទាប់មកទៀតក៍ដួសខ្ទិះដូងនិងធូរេនដែលបានរំងាស់ជាមួយគ្នាឆ្អិននោះដាក់ពីលើនោះវាជាការរូចរាល់។
ប្រភពៈ khtoem
No comments:
Post a Comment