ងាវគល់ស្លឹកគ្រៃ
គ្រឿងផ្សំ
- ងៀវ ៥០០ ក្រាម លាងឲ្យស្អាត
- គល់ស្លឹកគ្រៃ ២ ដើមហាន់បញ្ឆិតៗ
- ជីនាងវងបេះស្លឹករួច ១ ចាន
- ខ្ទឹមស ១០ កំពឹស ចិតជា ២ ឬ ៣
- អំបិល កន្លះស្លាបព្រាកាហ្វេ
- ម្រេច កន្លះស្លាបព្រាកាហ្វេ
- ទឹកស៊ីអ៊ីវ ឬទឹកត្រី ១ ស្លាបព្រាបាយ តាមចំណូលចិត្ត
- ប្រេងខ្យង ១ ស្លាបព្រាបាយ
- ស្ករស កន្លះស្លាបព្រាបាយ
- ប៊ីចេង បន្តិច
- ផ្លែម្ទេសហាលក្រៀម ៥ ផ្លែ ឬតាមចូលចិត្ត
- ប្រេងឆា ២ ស្លាបព្រាបាយ
វិធីធ្វើ
ដំបូងដាក់ប្រេងឆាចូលក្នុងខ្ទះដាក់ភ្លើងឲ្យក្តៅ បន្ទាប់មកដាក់ខ្ទឹមសចូលឆាវាបន្តិចសិនចាំដាក់គល់ស្លឹកគ្រៃចូល។
ឆាជាមួយគ្នាឲ្យរាងស្រពាប់ដាក់ម្ទេសចូលឆាវាបន្តទៀតមួយភ្លេត រួចហើយដាក់ងៀវចូលឆាត្រឡប់បន្តិចសិន។
រួចហើយដាក់អំបិល, ម្រេច, ទឹកស៊ីអ៊ីវ, ប្រេងខ្យង, ប៊ីចេង និងស្ករស ឆាចូលគ្នា រួចបន្ថែមទឹកចូលបន្តិចទុកឲ្យពុះប្រហែល ១-២នាទី។
បន្ទាប់មកទៀតយកជីនាងវងដាក់ចូលឆា៣-៤ត្រឡប់ទៀតអាចដួសយកមកញ៉ាំបានហើយ៕
No comments:
Post a Comment